Reiser med inhold

3. - 7. desember 2024. Wien - Budapest - Bratislava - Wien. Bli med på eit flott elvecruise til tre hovudstader langs majestetiske Donau, dronninga blant elvane i Europa. På turen vil vi oppleve spennande storbyar, segle gjennom skiftande landskap med vinmarker og naturområde og elles kikke på folkelivet langs denne travle elva. På denne tida er gjerne områda dekte med snø, og byane er julepynta. Dette vil skape ei flott ramme rundt denne turen i desember. Vi startar cruiset i den verdskjende kulturbyen Wien med sin lange historie med blant anna eit rikt  kultur- og  musikkliv. Deretter går turen til Budapest som har både gamal og ny busetnad, varme kjelder og historiske bad. Det blir også stopp i Bratislava, den unge hovudstaden i Slovakia, med både gamal og rik historie, heilt tilbake til keltisk og romersk tid. I kvar av byane får vi med oss spennande julemarknad og elles tilbod om å vere med på guida bussturar for å bli kjende med desse vakre byane. Vi bur godt på MS Vivaldi (4 stjerner) som er eit førsteklasses cruiseskip med ein vennleg atmosfære. Både restauranten og salongen ligg på mellomdekket og har store vindauge. I den koselege salongen er det underhaldning, og her er det også dansegolv. Her kan vi også slappe av og nyte landskapet som sakte glir forbi. Det er “all inclusive” med mat og drikke inkludert på heile seglinga. Alle lugarar har bad med dusj, hårtørkar, TV, safe og aircondition. Det er gratis Wi-Fi om bord.    

2 reiser neste tur 3 desember

2. - 9. april 2025. Er du interessert i å oppleve historie, mat og kultur saman med eit triveleg reisefølge? Då kan ei temareise til frodige og vakre Normandie vere midt i blinken for deg. For oss nordmenn er det verdt å merke seg at namnet Normandie tyder «mennene frå nord». Saman med vikingar grunnla høvdingen Gange-Rolv hertugdømet Normandie i 911, og først i 1204 tok den franske kongen området tilbake. Denne historia og Den andre verdskrig med D-dagen vil du høyre mykje om. På turen besøker vi blant anna den eventyrlege klosterøya Mont St. Michel, den vakre hagen til målaren Claude Monet, det berømte Bayeux-teppet og dei mange minnesmerka frå Den andre verdskrig. Vi er så heldige å ha med oss den kjende språkmannen, professor Sylfest Lomheim, som den eine reiseleiaren og guiden. Han kjenner Normandie godt sidan han underviste på universitetet i Caen i tre år. Den andre reiseleiaren er Rasmus Sunde, som har doktorgrad i historie.

2 reiser neste tur 2 april 2025

18. - 24. mars 2025 Professor Gunnstein Akselberg, best kjend frå Eides språksjov, har lenge interessert seg for fleire av dei vakre, tyske kulturbyane. Dei har så mykje å tilby av både historie, politikk, kunst, musikk, arkitektur og religion, og dei har i stor grad forma vår felles kulturhistorie. Under denne flotte turen bur vi godt og sentralt i musikkbyen Leipzig, der det er relativt korte avstandar med buss til besøk i dei spennande byane Weimar, Dresden, Halle, Mansfeld, Eisenach, Torgau og Wittenberg. Under bussturane og på dei aktuelle attraksjonane vil Gunnstein guide og fortelje. I tillegg vil han halde kåseri på hotellet. På reisa opplever vi viktige stader i Martin Luthers aktive reformasjonsliv. Vi får høyre om korleis arven etter Luther har påverka Europa kulturelt og politisk fram til i dag. Johan Sebastian Bach var fødd og oppheldt seg det meste av livet sitt i området vårt. I Leipzig, Eisenach og Weimar besøker vi viktige stader knytte til Bachs liv og verksemd. Georg Friedrich Händel trødde barne- og ungdomsskoa sine i Halle, der han var fødd og der han fekk musikalske impulsar som prega han resten av livet. Johann Wolfgang von Goethe og Friedrich Schiller, to av dei store kanonane i europeisk litteratur, hadde begge lengre opphald i Weimar der dei spela ei viktig rolle i byens kulturliv. Historikaren Rasmus Sunde er reiseleiar på turen, og på bussturane vil han snakke litt om tysk historie. Vi satsar elles på å få med oss minst ein klassisk konsertar av høg kvalitet. 

3 reiser neste tur 18 mars 2025

26. juli - 2. august 2025. Velkommen med på vandreturar i vikingane sine fotefar til Shetland. Vi startar med direktefly frå Bergen til Shetland, der vi bur fint til i den vesle bygda Brae. Derifrå skal vi utforske det grøne, gjestfrie landskapet i dette øysamfunnet som har så mange spor etter vikingane. Vi besøker dei berømte ruinane av den prehistoriske busetnaden Jarlshof og stader som er sentrale i sagalitteraturen. I tillegg får vi med oss dei viktigaste minnesmerka knytte til Shetlandsgjengen under krigen. Vi legg opp til vandreturar på om lag 2-4 timar i relativt lett terreng dei fleste dagane. Vandreturane kan klassifiserast som relativt lette, medan nokre av dei går på umerka stiar i litt ujamt terreng.

1 reise 26 juli 2025

26. mai - 1. juni 2025. Eit besøk til Færøyane er ei fantastisk oppleving. Bli med TV-profil og Vesterled-entusiast Dag Lindebjerg på ein innhaldsrik tur til våre naboar i vest. Dag er journalist frå Bergen og har i mange år vore programleiar både i radio og TV. Etter NRK-serien han laga frå Vesterhavsøyane, ville han gjerne tilbake dit. Han vart kjentmann for grupper av nordmenn som ville over, og mange har hatt glede av å vere med han på kjekke reiser. No kan det vere din tur! Med sin engasjerande formidlarstil deler Dag raust av sine store kunnskapar om geografien, historia og folket.  Den storslegne naturen på Færøyane er ei av årsakene til at National Geographic tidlegare har kåra Færøyane til det beste reisemålet av alle øyar i verda. Landet med knapt 50 000 innbyggarar har også meir enn særeigen natur å by på. Folka på Færøyane er opne og hyggelege, og dei har ei spennande historie og eit rikt kulturliv. Historia til Færøyane er sterkt knytt til Norge, då det lenge var ein del av Norgesveldet. Vår eigen Kong Sverre voks opp her, og vi skal blant anna besøke garden han kom ifrå, Kirkjubøur. Færøyane som består av 18 øyar, er «toppen» av ei undersjøisk fjellkjede. Slættaratindur med sine 880 m.o.h. er det høgste av fjella og eit av turmåla våre denne veka. Vi skal også besøke små bygder som Gjogv, Gasadalur og Gøta, og vi skal bli kjende med den spennande hovudstaden Tórshavn.  

3 reiser neste tur 26 mai 2025

7. - 14. juni 2025. Velkommen med på vandreturar i vikingane sine fotefar til Shetland. Vi startar med direktefly frå Bergen til Shetland, der vi bur fint til i den vesle bygda Brae. Derifrå skal vi utforske det grøne, gjestfrie landskapet i dette øysamfunnet som har så mange spor etter vikingane. Vi besøker dei berømte ruinane av den prehistoriske busetnaden Jarlshof og stader som er sentrale i sagalitteraturen. I tillegg får vi med oss dei viktigaste minnesmerka knytte til Shetlandsgjengen under krigen. Vi legg opp til vandreturar på om lag 2-4 timar i relativt lett terreng dei fleste dagane. Vandreturane kan klassifiserast som relativt lette, medan nokre av dei går på umerka stiar i litt ujamt terreng.  

1 reise 7 juni 2025

14. - 18. juni 2025. Velkomen til ein spennande og innhaldsrik tur til Shetland saman med strikkeentusiast Magni Flyum. Mange kjenner henne som MagFly i sosiale media. Ho har omsett fleire strikkebøker, bygd opp strikkefestival og designa mange strikkeplagg. No har du sjansen til å bli med henne på ei reise til denne vakre øygruppa vest i havet. Særskilt for reisegruppa  har Magi designa eit eige mønster på fingervottar, og i tillegg  får vi besøke garnprodusenten Jamieson & Smith for å plukke oss ut eigne fargar til garnpakke. Shetland består av 100 øyar og har lange tradisjonar for sauedrift og ull. Øyane har derfor ei rik historie med strikking, som har vore ein sentral del av kulturen deira i fleire hundre år. Strikkinga på Shetland starta som heimeindustri, der familiane laga klede til eige bruk og til handel. Shetlandsull er særleg kjend for å vere mjuk og gje tynt garn og er perfekt for alt frå lette sjal til tette genserar. I tillegg til å sette av god tid til strikking på turen, får vi med oss mykje av historia på Shetland. Folket på øya har sterke band til Norge og Skandinavia heilt frå vikingane invaderte øyane for meir enn 1000 år sidan. Under 2. verdskrig var mange nordmenn involvert i den såkalla Shetlandstrafikken, og dei vart tekne godt imot av folka på Shetland.  På denne spennande turen møter vi også eit gjestfritt folk i vakre omgjevnader.

1 reise 14 juni 2025

9. - 16. februar 2025 Spektakulære vandreturar på det indre av øya Er du glad i fjellturar og aktiv ferie? Bli med Fotefar Temareiser og reiseleiar Rasmus Sunde der du får oppleve det autentiske Gran Canaria med den storslegne naturen på innlandet av øya. Her er det eit godt terreng for fotturar i grøne, frodige landskap, men også til toppar med fantastisk utsikt på godt merka turstiar. Vi får oppleve bortgøymde landsbyar langt unna masseturismen. Det blir spennande fotturar med den dugande guiden Nina frå Sverige, som kjenner området svært godt etter mange år på Gran Canaria. Turane passar for folk som er i normalt god form og er vande med å gå i kupert terreng. I følgje DNT si gradering fell vandreturane her innunder grøn og blå farge som blir karakteriserte som middels og til dels noko krevjande. Gode sko med solide solar er nødvendig, og stavar kan vere ei god støtte nedover.  Vi bur på eit hotell ikkje langt unna stranda i Las Palmas, og får på den måten med oss litt storbyliv om kveldane og elles på “fridagen” vår. 

3 reiser neste tur 8 februar 2025

6. - 22. august 2025. Velkommen med på det store cruiset til Grønland og Island! På denne draumeruta får vi oppleve den eksotiske naturen og dyrelivet på desse store øyane vest i havet. Gjennom forelesingar av Harald Stanghelle får vi lære meir om historia og samtida til folka som lever her. Vi startar med fly til Liverpool, der vi overnattar før vi går om bord i cruiseskipet, Bolette. Derifrå går ferda forbi Hebridane og nordover til Reykjavik på Island, før vi set kursen mot Grønland og dei gamle norrøne bygdene sørvest på øya. Vi seglar først inn Prins Christians Sund før vi kjem til Narsarsuaq med ruinane etter Eirik Raude sin gard. Vidare går skipet til Sør-Grønlands største by, Qaqortoq og så til Nanortalik, der det er størst sjanse til å sjå isbjørn. Turen held så fram til Isafjordur på vestsida av Island og til Akureyri på nordsida av øya, før vi rundar austsida og seglar sørover i retning Skottland, langs Hebridane igjen, og ned nordvestkysten av England, før vi returnerer til Liverpool. Undervegs på turen blir det spennande foredrag av Harald Stanghelle om tema heilt frå norrøn tid til samfunn og kultur på dei to øyane i moderne tid. Stanghelle budde på Grønland i unge år, og har blant mykje anna vore sjefredaktør i Dagbladet, nyheitsredaktør og politisk redaktør i Aftenposten, i tillegg til leiar i Norsk Redaktørforening. Frå 2019 har han leia hovudprogramkomiteen  for Arendalsuka. Det er første gong vi i Fotefar kan tilby denne spennande reiseruta til sørvestsida av Grønland og rundt heile Island. Dette gler vi oss veldig til!

4 reiser neste tur 6 august 2025

med Gunnstein Akselberg og Tore Skeie  7. - 16. september 2025 Velkommen med på ein spennande tur i vikingane sine fotefar til øyane vest i havet. For mange har det vore ein draum å besøke dette området, og det er difor ein av våre mest populære turar. Årets reiserute er heilt spesiell, då vi får besøke både Orknøyane, Shetland, Færøyane, Hebridane og Nord-Irland på ein og same tur!  Vi startar med fly til Edinburg eller Aberdeen, før bussar tek oss til Dundee der vi overnattar. Morgonen etter mønstrar vi på skipet og set kursen mot Kirkwall på Orknøyane, Lerwick på Shetland, vidare til Runavik på Færøyane og til Scrabster på det skotske høglandet. Skipet seglar så mot Isle of Skye på Hebridane og vestover til Belfast i Nord-Irland. Til slutt endar vi opp i Liverpool. Undervegs blir det kåseri av Gunnstein Akselberg om dei språklege fellestrekka vi har med vesterhavsøyane og Tore Skeie om den norrøne historia til øyane.   Gunnstein Akselberg er lingvist og professor emeritus i nordisk språkvitskap ved Universitetet i Bergen. Akselberg har vore redaktør for tidsskrifta Namn og Nemne og Nordica Bergensia, og har i mange år hatt språkspalta «Snakk med oss» i NRK Hordaland. Han er også med i programmet «Eides språksjov» på NRK.   Tore Skeie har skrive fleire sakprosabøker om mellomalder og vikingtid, og han er kanskje mest kjend for boka Hvitekrist, som handlar om Olav Haraldsson og hans tid. For denne boka fekk han I 2019 Sverre Steen-prisen frå Den norske historiske foreining for framifrå formidling av historie på høgt fagleg nivå.  Dette er same cruisebåt som reiser frå Newcastle til Belfast 6.-15. september 2025.

5 reiser neste tur 7 september 2025

23. - 30. mars 2025. Bli med oss på vandretur på Azorane, og opplev det særeigne landskapet med dramatiske vulkanformasjonar, frodige dalar og imponerande utsiktspunkt. Øygruppa ligg ute i Atlanterhavet og byr på opplevingar utanom det vanlege. Gjennom historia har Azorane vore eit viktig knutepunkt for skipsfarten mellom Europa og Amerika, og mange norske sjøfolk har besøkt øyane for å skaffe forsyningar og reparere båtane. Under andre verdskrig spelte Azorane ei særs viktig rolle som strategisk base for dei allierte styrkane. Mange nordmenn var ein del av dei allierte konvoiane som kryssa Atlanterhavet og nytta øya som ein trygg tilfluktsstad. Azorane har mykje å by på når det gjeld historie, natur og kultur.  Øygruppa er kjend for sitt vulkansk opphav, og under vandringane våre vil vi oppleve imponerande formasjonar som Caldeira Velha og Sete Cidades - to massive krater fylte med krystallklare innsjøar. Desse dannar ei spektakulær scene for dei daglege utfluktene våre. Vi flyr til São Miguel, den største av øyane på Azorane, og skal bu på eit flott hotell i hovudstaden Ponta Delgada.

1 reise 23 mars 2025

16. - 20. august 2025. Velkomen til ein spennande og innhaldsrik tur til Shetland saman med strikkeentusiast Magni Flyum. Mange kjenner henne som MagFly i sosiale media. Ho har omsett fleire strikkebøker, bygd opp strikkefestival og designa mange strikkeplagg. No har du sjansen til å bli med henne på ei reise til denne vakre øygruppa vest i havet. Særskilt for reisegruppa  har Magi designa eit eige mønster på fingervottar, og i tillegg  får vi besøke garnprodusenten Jamieson & Smith for å plukke oss ut eigne fargar til garnpakke. Shetland består av 100 øyar og har lange tradisjonar for sauedrift og ull. Øyane har derfor ei rik historie med strikking, som har vore ein sentral del av kulturen deira i fleire hundre år. Strikkinga på Shetland starta som heimeindustri, der familiane laga klede til eige bruk og til handel. Shetlandsull er særleg kjend for å vere mjuk og gje tynt garn og er perfekt for alt frå lette sjal til tette genserar. I tillegg til å sette av god tid til strikking på turen, får vi med oss mykje av historia på Shetland. Folket på øya har sterke band til Norge og Skandinavia heilt frå vikingane invaderte øyane for meir enn 1000 år sidan. Under 2. verdskrig var mange nordmenn involvert i den såkalla Shetlandstrafikken, og dei vart tekne godt imot av folka på Shetland.  På denne spennande turen møter vi også eit gjestfritt folk i vakre omgjevnader.

1 reise 16 august 2025

25. mars - 3. april 2025. Dette blir ei heilt spesiell reise! For første gong blir det musikktur med både Terje Tysland og Claudia Scott til Nashville, Memphis og New Orleans! No kan du bli med desse folkekjære musikarane til byane og sørstatskulturen som har inspirert musikken deira så mykje! Undervegs blir det minikonsertar med Tysland og Scott og masse anna livemusikk! På turen får vi oppleve tre fantastiske musikkbyar, Nashville med country, Memphis med blues og New Orleans med jazz. I Nashville får vi med oss Grand Ole Opry og countrymusikk på barar på Broadway Street. I Memphis besøker vi Elvis sin heim, Graceland, og bluesklubbane på Beale Street. I New Orleans opplever vi jazzen på Bourbon Street og nyt folkelivet i Louis Armstrong sin fødeby. Dette er byar der musikken aldri sluttar å spele! Terje Tysland har heilt frå tida som gitarist i legendariske Prudence, vore ein folkekjær musikar med eit stort publikum. No kan du reise saman med han til byane og sørstatskulturen som har inspirert musikken hans så mykje! Claudia Scott er ein norsk/britisk songar, musikar og låtskrivar. Ho markerte seg tidleg innan sjangrane roots, country og poprock med røter til tradisjonell Americana. Ho er fødd i Newcastle, men voks opp i Bergen. Claudia starta musikkarrieren saman med faren sin og er i dag ein ettertrakta solomusikar. Saman har Claudia og Terje hatt fleire konsertar, og vi kjenner mange til duetten deira på Terje sin song «Heile livet for dæ». Vi gler oss veldig til denne unike reisa, der vi skal oppleve musikken, historia og atmosfæren i Nashville, Memphis og New Orleans saman med Terje Tysland og Claudia Scott!

8 reiser neste tur 24 mars 2025

3. - 12. oktober 2025 Bli med på ei ugløymande reise i bluesmusikken sine fotefar! Vi dreg til New Orleans der jazzen lever i beste velgåande før i tek turen til Baton Rouge og oppover Mississippi-deltaet. Der er vi innom både Jackson og Clarksdale før reisa vår endar i Memphis. Det blir mange kveldar på både juke joints og bluesbarar. Vi besøker fleire stader som utnemner seg som Bluesens fødestad, bland anna Docery Farms. Vi får ein heil dag med blues på musikkfestival i Helena, besøk på Sun Studios og høve til å besøke legendariske Graceland. På turen har vi med oss musikar og blues-entusiast Jan Tore Lauritsen. Bandet hans, Buckshot Hunters, er eitt av landets mest renommerte bluesband. Dei har turnert i Europa, USA og Australia. I 2014 fekk Jan Tore den prestisjetunge bluesprisen på Notodden Bluesfestival, og året etter representerte han Norge i European Blues Challenge i Brussel, der dei oppnådde ein tredjeplass. Bandet har også vore semifinalistar under International Blues Challenge i Memphis, USA, der dei konkurrerte med over 260 band frå heile verda. I 2018 var Jan Tore for første gong nominert til Spellemannsprisen i kategorien blues. Han har reist mykje i Mississippi og Louisiana og har ei brei kontaktflate der. Jan Tore trakterer både trekkspel og  Hammond B3-orgel i tillegg til munnspel, som fleire kallar for blues harp, medan han sjølv nyttar omgrepet Mississippi Saxophone. No i 2025 feirer Jan Tore og bandet  30-årsjubileum med album nummer 10 sidan 1995. Vi gler oss stort til å ha med JT Lauritsen som musikalsk reiseleiar på denne turen!    

2 reiser neste tur 3 oktober 2025

2. - 12. februar 2025. Eva Bratholm og Joar Hoel Larsen tek oss med til Evita Peron sitt heimland på denne eksotiske turen til Argentina. Vi får også med oss ein liten smakebit av nabolandet Uruguay, men aller mest skal vi utforske den pulserande metropolen Buenos Aires. Her får vi oppleve dei ulike bydelane, frå fattige og fargerike La Boca, til det pulserande og levande Palermo og det hippe og tradisjonelle San Telmo. I det Paris-liknande strøket Recoleta bur vi godt på eit 4-stjerners hotell. Argentina er tangoen sitt heimland, og det blir tangoshow med tilhøyrande kurs for dei som ønsker det. På pampasen besøker vi ein ranch med den verdskjende grillmaten frå Argentina på fatet. Under måltidet nyt vi den berømte argentinske vinen, medan vi får eit forrykande tangoshow som blir etterfølgd med eit imponerande rideshow av gauchoane. Ein dag blir det båttur på Rio de la Plata over til Uruguay og byen Colonia del Sacramento som er oppførd på UNESCO si verdsarvliste. Eva Bratholm og Joar Hoel Larsen er med oss på heile turen. Joar har lang fartstid som korrespondent i Sør-Amerika. Han og Eva deler sin lidenskap for og sine kunnskapar om dette kontinentet med oss.

2 reiser neste tur 2 februar 2025

16. - 21. august 2025. Passau - Melk - Dürnstein - Wien - Esztergom - Budapest. Vi er glade for å kunne invitere til eit heilt spesielt elvecruise på vakre Donau med tre språkkveldar med Linda Eide og Gunnstein Akselberg undervegs. I tillegg blir det kåseri om språk, historie og kultur frå Akselberg. Elvebåten tek oss med til seks byar og fire land – Tyskland, Austerrike, Slovakia og Ungarn. Cruiset startar i Passau i Tyskland og går så til Melk, Durnstein og Wien i Austerrike. Deretter seglar vi vidare til Esztergom og Budapest i Ungarn. På vegen får vi oppleve det storslegne Schönbrunn-palasset og den vakre Wachau-dalen som er på UNESCO si verdsarvsliste. I tillegg får vi sjå Dürnstein-slottet som ligg i området som mange reknar som det vakraste langs Donau med sine skogkledde åsar, frukthagar, småe landsbyar, vinmarker og kloster. Høgdepunkta blir likevel kanskje dei to gamle kulturbyane og hovudstadene, Wien og Budapest.  Linda Eide er journalist og programskapar og har vunne mange prisar for arbeidet sitt, blant anna Gullruten to gonger. Frå 2017 til 2023 var ho programleiar for Eides Språksjov på NRK. Professor Gunnstein Akselberg har lenge interessert seg for Tyskland, Austerrike og dei sentraleuropeiske kulturbyane. Desse byane har så mykje å tilby av både historie, politikk, kunst, musikk, arkitektur og religion, og dei har i stor grad forma vår felles kulturhistorie. Vi har heile båten berre for Fotefar, og det blir heile 3 språkkveldar om bord, så dette blir ei unik oppleving for alle oss som saknar Linda Eide og Gunnstein Akselberg frå TV-skjermen.  På elvecruiset vårt bur vi svært godt på MS France (4 stjerner), ein hyggeleg elvebåt med 78 lugarar som alle er utvendige. Lugarane har også bad med dusj, hårtørkar, TV, safe og aircondition. Alle måltida om bord med nydeleg mat og drikke er inkluderte.

5 reiser neste tur 16 august 2025

26. - 30. juli 2025.  Eit besøk til Færøyane er ei fantastisk oppleving. Den storslegne naturen er ei av årsakene til at National Geographic har kåra Færøyane til det beste reisemålet av alle øyar i verda. Landet med knapt 50 000 innbyggjarar har også meir enn særeigen natur å by på. Folka på Færøyane er opne og hyggelege, og dei har ei spennande historie og eit rikt kulturliv. Eit av høgdepunkta for mange er båtturen til dei stupbratte klippene og grottene ved fuglefjellet Vestmannabjørgini. Den aller største hendinga gjennom året på Færøyane er Ólavsøka i juli. Det er ein stor folkefest med feiring av nasjonaldagen den 29. juli. Tórshavn har ca. 18 000 innbyggjarar, men under Ólavsøka, som eigentleg betyr vakenatt, blir folketalet dobla. Færøyingane har lagt nasjonaldagen sin til olsok, som er til minne om Heilag Olav som fall på Stiklestad 29. juli 1030. Historia til Færøyane er sterkt knytt til Norge, då det lenge var ein del av Norgesvelde. Kong Sverre voks opp her, og vi besøkjer garden han kom ifrå, Kirkjubøur. Vi i Fotefar har sikra oss hotellrom og er glade for å kunne tilby kundane våre denne eineståande opplevinga også i 2024. Med oss har vi Kirsti MacDonald Jareg som fagguide. Ho har skrive reiseskildringar om fleire av øyane i vest og er oppteken av menneska som bur der.    

2 reiser neste tur 26 juli 2025

1. - 6. september 2025. Bli med på ein ugløymeleg vandretur i vakre Nord-Wales! Vi bur i den sjarmerande byen Llandudno på nordkysten av Wales, kjend for sin fantastiske natur, historiske bygningar og vennlege atmosfære. Områda vi skal vandre i tilbyr eit idyllisk landskap der natur og historie går hand i hand. Fleire av stadene vi besøker står på UNESCO si verdsarvliste.  Kvar dag byr på ein ny og spennande vandretur i historiske fotefar. Vi vandrar langs North Wales Path og nyt panoramautsikta Conwy. Rundt Llyn Idwal og Llyn Elsi opplever vi det spektakulære landskapet og besøker det majestetiske Caernarfon Castle. I hjartet av Snowdonia nasjonalpark går vi på tur og utforskar landsbyen Beddgelert, som er kjend for sine legendariske historier frå fortida. Vi uforskar også fjellkjeda Clwydian Range, ser utover Snowdonia og besøker den sjarmerande byen Llangollen. Her ligg også det imponerande ingeniørverket Pontcysyllte-akvedukten, bygd av den skotske arkitekten Thomas Telford.  Vi bur godt på eit flott hotell ved strandpromenaden og sentralt i byen Llandudno. Når vi ikkje er ute på organisert vandretur, kan du nytte fritida til å besøke ein av dei fine parkane i området eller nyte rolege spaserturar langs promenaden som ligg her. Med ein perfekt balanse mellom organiserte vandreturar og fritid kvar dag, har du mogelegheita til å oppleve det beste av Nord-Wales. Pakk turskoa og bli med oss på dette eventyret! 

2 reiser neste tur 1 september 2025

27. - 31. august 2025. Med Bård Ose. Velkommen med på ein tur full av musikk og musikkhistorie – frå irsk tradisjonsmusikk til rock og pop. Vi startar kvar dag med Bård Ose sine kåseri på hotellet, der han fortel historier og anekdotar om Thin Lizzy, Van Morrison, Rory Gallagher og U2 og andre irske musikarar. Bård har blant anna skrive bøker om  Vinskvetten ,  The Beatles ,  The Rolling Stones  og vore medforfattar av Norsk pop & rock leksikon. Han er ein av programleiarane for radioprogramma  P.I.L.S  og  Radio Rock  som går på  NRK P1 , samt programleiar for Ren 60 og Gammelnorsk på  NRK P1+. Vi besøkjer sjølvsagt det berømte området Temple Bar. Det blir pub til pub-runde med den beste irske tradisjonsmusikken og besøk på Irish Rock ‘N’ Roll Museum. Eit anna høgdepunkt er besøket på legendariske Windmill Lane Studios, der fleire store stjerner har spelt inn plater. Velkommen med på ein unik tur stappfull av store musikkopplevingar!  

3 reiser neste tur 27 august 2025

5. – 15. august 2025   Vi er glade for å kunne presentere ein skikkeleg cowboytur til den ville vesten. Dette er ein ekte roadtrip gjennom statane Colorado, Nebraska, Sør-Dakota, Wyoming og Montana, der nokre av høgdepunkta blir: Oppleving i Pine Ridge-reservatet og møte med folk frå Oglala-stammen Wounded Knee, der ein av dei verste massakrane av Sioux-folket fann stad Badlands nasjonalpark Mount Rushmore med dei fire presidentane utskorne i fjell Crazy Horse-monumentet Sioux-folket sitt heilage område i Black Hills Landsbyen Sundance, gjort kjend av The Sundance Kid Landemerket Devil’s Tower Overnatting på westernhotellet The Occidental, der Butch Cassidy har overnatta Little Big Horn, slaget der general Custer døydde Rodeo i cowboybyen Cody Overnatting på Irma Hotel bygd av Buffalo Bill Yellowstone National Park Eva Bratholm og Joar Hoel Larsen er reiseleiarar på turen. Eva har tidlegare vore korrespondent i USA og har skrive fleire bøker om landet. Joar har lang fartstid som USA-kjennar og journalist. Han har skrive fleire bøker, blant anna “Cowboyer i amerikansk politikk frå Davy Crocket til George W. Bush”. Ekteparet har reist mykje i området der turen vår går. Dei vil fortelje historier og anekdotar om dei kjende namna frå western-historia som Sitting Bull, Jesse James, Wyatt Earp, Annie Oakley Buffalo Bill, general Custer, Calamity Jane, Wild Bill Hickok og mange andre. Vi kan love ein eineståande tur til eit av dei mest spennande områda i USA. På første delen av turen kjem vi nær innpå samfunnet, kulturen og historia til Siouxane. Her blir det både omvising på ein av ungdomsskulane deira og på colleget i reservatet. På veg vestover møter vi byar som har vore sentrale i westernhistoria og i ei mengd filmar og seriar. Her finn vi blant anna opptaksstaden til serien «Den ville vesten» som var så populær i Norge på 80-talet. Velkommen med på ein skikkeleg ville vesten tur!

2 reiser neste tur 5 august 2025

17. - 23. juli 2025 Velkommen med på eit innhaldsrikt elvecruise på fire elvar – Rhinen, Mosel, Saar og Neckar og til tre land – Frankrike, Tyskland og Luxemburg. Cruiset startar i vakre, historiske Strasbourg i Frankrike og går så til Mannheim, der ein kan vere med på utflukt til romantiske Heidelberg. Deretter stoppar vi i Rüdesheim am Rhein og Cochem i Mosel-dalen, før vi seglar vidare til Trier, som truleg er Tysklands eldste by. Båten tek oss så til Remich, der vi ligg i to netter, så det blir god tid til å utforske Luxembourg by. Professor Gunnstein Akselberg, best kjend frå Eides språksjov, har lenge interessert seg for dei vakre, tyske kulturbyane. Dei har så mykje å tilby av både historie, politikk, kunst, musikk og arkitektur, og dei har i stor grad forma vår felles kulturhistorie. Vi har heile båten berre for Fotefar, så dette blir ei unik oppleving med daglege kåseri av Gunnstein Akselberg om bord. På elvecruiset vårt bur vi svært godt på Leonardo Da Vinci (4 stjerner), ein hyggeleg elvebåt med 70 lugarar som alle er utvendige. Lugarane har også bad med dusj, hårtørkar, TV, safe og aircondition. Måltid og drikke om bord er inkludert.

5 reiser neste tur 17 juli 2025

16. - 29. januar 2025. Fjell, åsar, frodige te-plantasjar og duftande krydder! Bli med Fotefar på denne eksklusive turen til Kerala, ein stat sørvest i India. Her skal vi møte menneska, sjå det vakre landskapet og oppleve kulturen. I tillegg får vi med oss alt frå dei nydelege strendene til dei mystiske skogane, og elles oppleve dei fargerike kulturfestivalane, ta ein båttur på rolege kanalar og nyte den utsøkte lokale maten.   Vi reiser saman med Slomo George Sandvik, som er busett i Norge, men opphavleg frå Kerela. Han driv reiseklubben Travel and Learn saman med mannen sin, og har i lengre tid teke med seg reiseglade og eventyrlystne nordmenn til heimlandet sitt. Kerala er ein ypparleg stad for å bli kjend med ein fargerik kultur i usedvanleg vakre omgjevnader. Soga seier at uansett kvar ein leitar, finn ein aldri ein grønare, vakrare og meir fredfull stad enn i Kerala! Staten går også under namnet ”Guds eige land”.  Velkomen med på tur til Kerala – der naturen smiler og eventyret aldri tek slutt!     

1 reise 16 januar 2025

4. - 21. juli 2025.  Velkommen med på eit innhaldsrikt cruise til øyane i vesterled og heile vegen rundt Island. Vi startar med fly til London, der vi overnattar før vi går om bord i cruiseskipet Ambience. Derifrå går ferda til Invergordon på det skotske høglandet og så vidare til Kirkwall på Orknøyane. Skipet set så kurs nordover mot Seydisfjordur på Island før turen går rundt heile sagaøya til byane Akureyri, Isafjordur og Reykjavik, der vi ligg til land i to dagar. Deretter seglar vi sørover igjen til Runavik på Færøyane før vi returnerer til London.  Undervegs blir det spennande foredrag av Øystein Morten om vikinghistoria. Øystein Morten er religionshistorikar, sakprosaforfattar og ordførar i Rollag kommune. Mest kjend er han for bøkene sine om dei norske kongane Olav den heilage, Sigurd Jorsalfare, Magnus den gode, Olav Tryggvason, og no sist om Eirik Raude som vart kalla oppsiktsvekkande og belønna med terninkast 5 i Dagbladet.   Det blir ei fantastisk reiserute med både det skotske høglandet og øyane i vesterled, og i tillegg går båten rundt heile Island. Vi gler oss veldig! 

6 reiser neste tur 4 juli 2025

24. - 31. mai  2025.  Opplev vakre Toscana i vårsol til fots! Dei guida vandreturane våre går i det vakre landskapet, gjennom eit lett kupert område med nydelege dalar og frodig natur. På nokre av turdagane stoppar vi på eit utval av vingardar, og eitt av høgdepunkta for mange vil nok vere Chianti-området med sine berømte vinar. Vi tek ein dagspause frå vandringa og opplever Firenze, denne byen som er så berømt med kunstskattar og staselege kyrkjer. Der har vi med ein dugande svensktalande lokal guide som ivrar etter å dele kunnskapen sin med oss. Vi bur godt på Hotel Ambrosiano, eit sjarmerande hotell sentralt plassert i Montecantini Terme. Her finn vi restaurantar og moglegheiter for shopping. Hugs å ta med badekle då Montecantini Terme nemleg er kjent for kurbad. Kva med å bruke kviledagen til eit skikkeleg kurbad? Det er elles gode høve for shopping. Turane er frå lett til middels nivå og går langs mindre vegar, grusvegar og stiar i eit variert landskap utan for store høgdeforskjellar. Vandringane er på rundt tre til fire timar og 5-8 km lange i roleg tempo.    

2 reiser neste tur 24 mai 2025

11. - 15. april 2025. Antwerpen - Rotterdam - Keukenhof - Amsterdam. Velkommen med på elvecruise langs idylliske kanalar forbi koselege landsbyar og til vakre byar! På dette elvecruiset opplever vi Nederland og Belgia når våren er i anmarsj. Cruiset startar i flotte Antwerpen og seglar først via kanalar og innsjøar til Rotterdam, før vi avsluttar i Amsterdam midt i tulipanblomstringa. Med oss på turen har vi hageentusiast og hagebokforfattar Tommy Tønsberg. Han skildrar seg sjølv som plantesamlar og evig planteformerar, og har gjennom hagekarriera si skrive over 15 hagebøker. Tommy har arbeidd om lag tretten år i Det norske hageselskap, og av dei nesten sju år som redaktør for Norsk Hagetidend. Han har dyrka plantar og etande vekstar heilt sidan han var veldig ung. I dag har han sin eigen hage på Holter i Nannestad, der han også driv ein liten staudeplanteskule. Sidan 2017 har Tommy også vore ein av to drivarar av nettbutikken Garden Living. Han elskar å fotografere plantar. På turen vil Tommy Tønsberg halde foredrag for oss om bord på båten. I tillegg vil det bli utflukter til den praktfulle blomsterparken Keukenhof. Den store tulipanfestivalen går føre seg her i heile april, så her er det mykje å få med seg. Vi bur godt på elvebåten, MS Lafayette, med mat og drikke inkludert på heile seglinga.  

2 reiser neste tur 11 april 2025

12. - 19. mars 2025. Paradisøya Madeira, perla i Atlanterhavet, kan samanliknast med ein flytande hage. Vulkansk oske og lava har gitt øya eit svært næringsrikt jordsmonn. Same kva årstid vi vel å besøkje øya, så kan vi nyte ein enorm blomsterprakt. Denne fruktbare øya er eit botanisk paradis, og blomstrar som begonia, julestjerne og oleander veks her vilt som store busker og tre. Madeira er ei ”dramatisk” øy, eksotisk grøn med lys som gir landskapet eit spesielt skimmer. Vi skal bu like utafor sentrum av hovudstaden på Madeira, Funchal. Byen står i dag fram som svært moderne og spennande, medan jordbruket for ein god del framleis blir dyrka etter tradisjonelle metodar. Hakke og ljå er vanlege reiskapar, og generasjonar har dyrka vin og bananar på dei karakteristiske terrasse-åkrane opp etter fjellsidene. Vandreturane langs vatningskanalane levadaane, som knyter saman heile Madeira i eit gigantisk nettverk, må berre opplevast. Vandreturane varierer mellom 6 til 11 km, og vi går i roleg tempo på gode stiar gjennom eit skiftande og fantastisk landskap. Alle dagsturane er relativt lette og går på nokså flate stiar. Elles skal vi kose oss med nydeleg mat og god vin, og hotellet vårt med fire stjerner har mange flotte fasilitetar.    

1 reise 12 mars 2025

19. - 26. mars 2025. Paradisøya Madeira, perla i Atlanterhavet, kan samanliknast med ein flytande hage. Vulkansk oske og lava har gitt øya eit svært næringsrikt jordsmonn. Same kva årstid vi vel å besøkje øya, så kan vi nyte ein enorm blomsterprakt. Denne fruktbare øya er eit botanisk paradis, og blomstrar som begonia, julestjerne og oleander veks her vilt som store busker og tre. Madeira er ei ”dramatisk” øy, eksotisk grøn med lys som gir landskapet eit spesielt skimmer. Vi skal bu like utafor sentrum av hovudstaden på Madeira, Funchal. Byen står i dag fram som svært moderne og spennande, medan jordbruket for ein god del framleis blir dyrka etter tradisjonelle metodar. Hakke og ljå er vanlege reiskapar, og generasjonar har dyrka vin og bananar på dei karakteristiske terrasse-åkrane opp etter fjellsidene. Vandreturane langs vatningskanalane levadaane, som knyter saman heile Madeira i eit gigantisk nettverk, må berre opplevast. Vandreturane varierer mellom 6 til 11 km, og vi går i roleg tempo på gode stiar gjennom eit skiftande og fantastisk landskap. Alle dagsturane er relativt lette og går på nokså flate stiar. Elles skal vi kose oss med nydeleg mat og god vin, og hotellet vårt med fire stjerner har mange flotte fasilitetar.    

1 reise 19 mars 2025

29. August - 4. september 2025. Honfleur - Rouen - Giverny - Fontainebleau - Melun - Paris. Vi er svært glade for å kunne tilby eit eksepsjonelt båtcruise på Seinen med ein eigen elvebåt berre for Fotefar temareiser. Cruiset startar ved Seinens utløp i Honfleur ved Côte Fleurie og går sørøstover til byen Melun, før vi snur nordover mot Paris. Vi opplever idylliske Honfleur, historiske Rouen, pittoreske Giverny med hagen til målaren Monet, og det flotte Fontainebleau-slottet. I tillegg får vi med oss nokre av dei viktigaste attraksjonane i Paris. Professor Sylfest Lomheim og historikar Rasmus Sunde er med på heile turen og auser av sine store kunnskapar om fransk kultur, språk, politikk og historie med særleg fokus på Normandie. Sidan vi går i land kvar dag, vert det gode høve til å komme tett på byliv, landskap og attraksjonar. Sylfest kjenner landsdelen frå innsida, både frå yrkesliv og gjennom si familie-tilknyting. På elvecruiset vårt bur vi svært godt på Botticelli, eit hyggeleg cruiseskip med 75 lugarar som alle er utvendige. Lugarane har også bad med dusj, hårtørkar, TV, safe og aircondition. Det er “All inclusive” om bord med nydeleg mat og drikke inkludert. Vi har heile båten for oss sjølve, så dette blir ei unik oppleving med foredrag av Sylfest Lomheim og Rasmus Sunde. Dei to vil også guide i Honfleur, Rouen og Paris. Om kveldane legg vi opp til underhaldning etter middag, der Sylfest blant anna tek fram gitaren og spelar og syng.

5 reiser neste tur 29 august 2025

6. - 11. oktober 2025. Passau - Melk - Dürnstein - Wien - Esztergom - Budapest. Vi er glade for å kunne invitere til eit heilt spesielt elvecruise på vakre Donau med tre språkkveldar med Linda Eide og Gunnstein Akselberg undervegs. I tillegg blir det kåseri om språk, historie og kultur frå Akselberg. Elvebåten tek oss med til seks byar og fire land – Tyskland, Austerrike, Slovakia og Ungarn. Cruiset startar i Passau i Tyskland og går så til Melk, Durnstein og Wien i Austerrike. Deretter seglar vi vidare til Esztergom og Budapest i Ungarn. På vegen får vi oppleve det storslegne Schönbrunn-palasset og den vakre Wachau-dalen som er på UNESCO si verdsarvsliste. I tillegg får vi sjå Dürnstein-slottet som ligg i området som mange reknar som det vakraste langs Donau med sine skogkledde åsar, frukthagar, småe landsbyar, vinmarker og kloster. Høgdepunkta blir likevel kanskje dei to gamle kulturbyane og hovudstadene, Wien og Budapest.  Linda Eide er journalist og programskapar og har vunne mange prisar for arbeidet sitt, blant anna Gullruten to gonger. Frå 2017 til 2023 var ho programleiar for Eides Språksjov på NRK. Professor Gunnstein Akselberg har lenge interessert seg for Tyskland, Austerrike og dei sentraleuropeiske kulturbyane. Desse byane har så mykje å tilby av både historie, politikk, kunst, musikk, arkitektur og religion, og dei har i stor grad forma vår felles kulturhistorie. Vi har heile båten berre for Fotefar, og det blir heile 3 språkkveldar om bord, så dette blir ei unik oppleving for alle oss som saknar Linda Eide og Gunnstein Akselberg frå TV-skjermen.  På elvecruiset vårt bur vi svært godt på MS Modigliani, ein hyggeleg elvebåt med 78 lugarar som alle er utvendige. Lugarane har også bad med dusj, hårtørkar, TV, safe og aircondition. Alle måltida om bord med nydeleg mat og drikke er inkluderte. 

5 reiser neste tur 6 oktober 2025

11. - 15. juni 2025. Bli med på ein underhaldande Beatles-tur til Liverpool! Dette er ein av turane vi får aller best tilbakemeldingar på. Dagane startar med Bård Ose sine kåseri på hotellet, der han fortel historier og anekdotar om Beatles og dei andre kjende musikarane frå byen. Vi besøkjer sjølvsagt legendariske Cavern Club og får oppleve stemninga på Penny Lane og magiske Strawberry Fields. Elles får vi vite kven Eleanor Rigby eigentleg var og mykje anna om livet og musikarane i denne legendariske musikkbyen. Og ein tur med «Ferry across the Mersey» står naturlegvis på programmet. Det blir mange konsertar med fantastiske coverband som spelar Beatles-musikk så likt originalen at ein skulle tru ein var tilbake på slutten av 60-talet.    

2 reiser neste tur 11 juni 2025

06.-11. februar 2025. Lisboa – Coimbra – Porto – Barcelos - Guimarães - Braga Velkomne med på ei fantastisk spennande reise gjennom Portugals rike historie saman med forfattar Erika Fatland! På turen vil ho gi oss djupare innsikt i korleis Portugal bygde opp det store imperiet sitt. Gjennom foredrag får vi høyre om dei portugisiske sjøfararane, som Henrik Sjøfararen og Vasco da Gama, som endra verdshistoria, og kva spor desse ekspedisjonane har etterlate seg.  Turen startar i Lisboa, der vi skal utforske Belém. Dette er ein bydel rik på minnesmerke frå Portugals gullalder som sjøfartsnasjon. Vidare går turen nordover til Coimbra, kjend for sitt gamle universitet og sin rike kulturarv, før vi endar i Porto, der den verdskjende portvinen har sitt opphav. Her skal vi vandre gjennom den vakre gamlebyen, som har vore på UNESCO si verdsarvliste sidan 1996. I tillegg kan ein melde seg på ei spanande dagsutflukt til Barcelos, Braga og ikkje minst til Guimarães, byen der det portugisiske kongedømmet vart fødd. Desse stadene byr på ein fascinerande kombinasjon av mellomalderarkitektur og levande tradisjonar med lang historie, som vil gi oss eit unikt innblikk i den portugisiske nasjonen sine røter.  Dette er ei svært innhaldsrik reise gjennom kultur, historie og landskap, som blir toppa med spennande foredrag av Erika Fatland i møte med lokal kultur, arkitektur, lokal mat og menneske. Erika si nye bok,  Sjøfareren, som kom ut no i haust, tek for seg den rike historia til det portugisiske imperiet. Boka har fått  veldig god omtale!  Vi bur på 4-stjerners hotell og reiser komfortabelt med buss mellom byane.  

3 reiser neste tur 6 februar 2025

12. – 16. mai. 2025  Bli med på ei herleg reise til Skottland med eit svært variert program. På denne turen skal vi besøke og få omvising på Stirling Castle, som er eitt av dei mest ikoniske slotta i Skottland. Det har ei rik historie og mange attraksjonar som den store hallen, kapellet og dei vakre hagane. Vi får også høvet til å besøke Falkirk Wheel, som viser ein unik og imponerande ingeniørkunst. Når vi først er i Skottland, må vi sjølvsagt få kunnskap om gin og whisky og smake på desse edle dråpane. Over eitt par dagar kan vi  by på rundtur både i Glasgow og Edinburgh i vårsola, og ein båttur på  vakre Loch Lomond høyrer med.  Under opphaldet bur vi på Stirling Highland Hotel. Det er eit sjarmerande fire-stjerners hotell med ei rik historie og plassert i hjarta av Stirling. 

1 reise 12 mai 2025

7 - 20. september 2025. England – Skottland – Shetland – Hebridane – Nord-Irland – Irland – Scilly-øyane. Velkommen med på det store cruiset rundt dei britiske øyane. På denne turen har vi med oss det kjende journalistekteparet Eva Bratholm og Joar Hoel Larsen som fagpersonar. Dei vil på ein engasjerande måte halde spennande foredrag om litteratur, politikk, historie og kultur i Storbritannia igjennom tidene. Vi startar med fly til London der vi overnattar før vi går om bord i cruiseskipet Ambience. Derifrå går ferda til Aberdeen i Skottland, vidare til Lerwick på Shetland, og så sørvestover til Tobermory på Hebridane. Skipet set så kurs vidare til Belfast i Nord-Irland før turen går til Liverpool. Deretter tek skipet oss til Cobh i Irland og til Scilly-øyane før vi seglar tilbake til London.

6 reiser neste tur 7 september 2025

16. – 20. juni 2025. På denne turen møter vi Edvard Hoem på heimebane. Han er ein av dei aller fremste forfattarane i Norge i dag, og i tillegg er han ein sjeldan god formidlar. Kvar dag vil han halde foredrag om romanane sine som er baserte på verkelege personar og hendingar. Desse familiekrønikene hans frå Romsdal har gjort Hoem til ein særs populær og folkekjær diktar. Under opphaldet får vi guida turar med Edvard Hoem rundt om i vakre Romsdal. Vi spaserer til Rekneslia der oldefar hans, «slåttekaren i himmelen”, hadde heimen sin. Elles besøkjer vi stader som diktarheimen hans på Hoem, skulen han gjekk på og bedehuset som bestefaren ivra for å få bygt. Vidare skal vi kikke på kyrkjene Vågøy og Veøy, som er sentrale i bøkene hans. Vi får busstur til Kristiansund og Smedvika der felemakaren, Lars Olsen Hoem, hadde heimen sin. På denne rundturen i skiftande landskap køyrer vi tilbake over Atlanterhavsvegen til Hustad og Bud. Edvard Hoem har skrive ein stor biografi om Bjørnstjerne Bjørnson, og vi legg opp til ein busstur til Nesset prestegard i Eidsvåg der Bjørnson voks opp. Fotefar er elles glade for å tilby ein flott konsert med Edvard Hoem og dottera Ine Kristine Hoem i Vågøy kyrkje. Vi bur sentralt på eit godt hotell i “Rosenes by”.

1 reise 16 juni 2025

19. - 24. august 2025. Passau - Melk - Dürnstein - Wien - Esztergom – Budapest. Donau er den store pulsåra i den sentraleuropeiske historia og kulturen heilt frå oldtida til i dag. På turen på denne mektige elva tek historikar Terje Tvedt oss med på ei reise i historia frå Romartida til det osmanske riket og fram til den industrielle revolusjonen då vassvegane vart så sentrale. Elvebåten tek oss med til seks byar og tre land – Tyskland, Austerrike og Ungarn. Cruiset startar i Passau i Tyskland og går så til Melk, Durnstein og Wien i Austerrike. Deretter seglar vi vidare til Esztergom og Budapest i Ungarn. På vegen får vi oppleve det storslegne Schönbrunn-palasset og den vakre Wachau-dalen som er på UNESCO si verdsarvsliste. I tillegg får vi sjå Dürnstein-slottet som ligg i området som mange reknar som det vakraste langs Donau med sine skogkledde åsar, frukthagar, småe landsbyar, vinmarker og kloster. Høgdepunkta blir likevel kanskje dei to gamle kulturbyane og hovudstadene, Wien og Budapest. Tvedt er velkjend som forskar og formidlar, og bøkene hans om verdshistoria, vassvegane og Nilen har vorte bestseljarar i Norge og i utlandet. Han har også produsert og vore programleiar for fleire TV-dokumentarar om verdshistoria og vassvegane som er blitt viste over heile kloden. På elvecruiset vårt bur vi svært godt på MS Modigliani, ein hyggeleg elvebåt med 78 lugarar som alle er utvendige. Lugarane har bad med dusj, hårtørkar, TV, safe og aircondition. Alle måltida om bord med nydeleg mat og drikke er inkluderte. Vi har heile båten berre for Fotefar, så dette blir ei unik oppleving med lærerike forelesingar frå ein av våre mest spennande historikarar. I 2023 kom boka hans Historiens hjul og vannets makt. Da England og Europa vant, og Kina og Asia tapte.  Vi gler oss til å høyre meir om denne delen av historia på turen.

5 reiser neste tur 19 august 2025

6. - 10. november 2025. Det er det store jubileumsåret for Roma, og Fotefar har på nytt gleda av å invitere til spennande dagar i vakre Roma, byen som vert kalla «Den evige stad». Det blir forelesingar med den dugande italienske kunsthistorikaren Paola Burigana Graff som har mastergrad i kunsthistorie og i museumsstudiar, i tillegg til brei erfaring i kunstformidling. Mange kjenner ho både frå Universitetet i Oslo, Det italienske kulturinstituttet eller frå Nationalmuseet. Vi får også med oss ein lokal skandinavisktalande guide på sentrale attraksjonar som Vatikanet og Peterskyrkja, i tillegg vil du få høve til å vitje byen Tivoli med Hadrians Villa og Villa d’Este.  Roma er som eit 2800 år gammalt museum, og dette er byens unike sjarm. Byen har sida 1600-talet vore ein obligatorisk stoppestad i danningsreisa «Grand Tour». Både innan- og utandørs finn vi oldtidsmonument, kunstskattar og tidlaus arkitektur. Med religiøst hjarte og historisk sjel, forfører og inspirerer byen stadig folk på besøk. Michelangelo, Rafael, Caravaggio, Bernini og mange andre kunstnarar frå ulike delar av Italia og Europa har blomstra i Roma. Dei har dekorert byen med meisterverk i målarkunst, skulptur og arkitektur. Bli med oss på innhaldsrike dagar i Roma, der det også vil bli tid til å senke tempoet, vandre i gatene, ta ein espresso, ein gelato eller eit glas vin og berre sjå på folkelivet og nyte atmosfæren i denne vakre byen.      

2 reiser neste tur 6 november 2025

16.-24. september 2025. Bli med til eitt av verdas vakraste land med frodige dalar, imponerande fjell, karakteristiske steppelandskap og nokre av dei eldste vinmarkene i verda. Georgia er både eksotisk og velkjend med si blanding av asiatisk og europeisk kultur. Vi besøker pittoreske landsbyar, Kaukasus-fjella og den historiske hovudstaden Tbilisi, der både Hamsun og Nansen har late etter seg spor. Plasseringa på Silkevegen mellom aust og vest har gjort Georgia til ein smeltedigel kulturelt sett og eit ynda erobringsmål for stormaktene. Bjørn Sørheim er Fotefar sin fagleiar/reiseleiar på denne turen. Han har vore dosent i engelsk ved Høgskulen i Sogndal, og som pensjonist har han vore reiseleiar for Fotefar til fleire reisemål, som til Georgia fleire gonger. Vi har også med oss Svend Waage på denne spennande turen. Han har budd i dette flotte landet i meir enn 15 år saman med sin norsk-georgiske familie. Svend er lidenskapeleg oppteken av den georgiske kulturen og tradisjonen, og arbeider aktivt for å styrke banda mellom Noreg og Georgia.

2 reiser neste tur 16 september 2025